Item Robert blindsel come souerte to entir William blindsell the said day befor the balyeis to mak compt rekning and pament of ale the malis of the burghe the yer bigan And to ansuer to alexander menyes aldirman for lening of him of the pensionis acht to the erle of crafurd and
Item the saide alexander gareache has fundin William gareache eldar his brothir law borghe that the saidis Dauid and Wille Kintor salbe vnskathit of him and his party bot as law wile And gif he beis conuikit eftiruart for strubulance of ony of the saidis childer it was deliuerit be ane assis' that he sale pay tene pundis to Sanct nicholes' kirk
Item it was ordanit be the aldirman and Counsale that thome gray tailyour for the strubulance done in the kirk and for nicht waking' and vthir demeritis done be him and his complicis that he sal cum in his lynnyne clathtis this next sonday in tyme of the hie mes' with ane candill of ij li' of wax in his hand bair fute and bair heid with a lous' goune and offir the samyn candile to Sanct nicholes' at the hie altar of the samyn And atour' the saide thomas sal pay x s' to Sanct nicholes' werk or he pas' out of the tolbutht And' gif euire he be po conuikit for nicht waking or sic demeritis bigan he salbe banyst out of the towne in continent but ony proces' And' in likuis' gif ony seruitoris of his be fundin conuikit in sic faltis or nicht waking' in tyme cumyne he and thai salbe bannist out of the tone but ony delay
The pennult day of December Dauid matheson' become souerte to thomes fyff bailye that he sale caus' thome of chamer ane of the balyeis entir befor him one of the law day next to cum to gif covnt rekning and pament of ale somes of & malis of the towne of this yer bigan and to ansuer' to the aldirman for the rekning of him
In presens of the aldirman In Jugement comperit marcus elb master of the cristofer of and ordanit mavnis Wormet his lauchfull procurator' to Recouer ale his anchoris towis takile and al vthir stuff of his saide schip brokin vteuth' the port of Abirdene and to met with the sa and of his resatis to gif acquitance the said mavnis hafand' the half of the gudis that he And atour to ask resaue and vptak al gudis Recouerit be ony personis pertening to him and of his resatis acquitance to gif promittens de Rato et grato Testibus James leslie and William nicholson