Showing 19476 to 19480 of 30393 results

the samen dai thomas symson strekit ane borgh in the hand of Alexander chavmer seriand that Alexander sanchar' wrangwisly withhaldis fra him ten barrellis of smal salt quhilkis he grantit him awand before Johne stevinson ane of the ballies and vthiris witnes / And the seriand is ordanit towarn the said alexander again Wednisday toansuer' to the said thomas

ID: ARO-6-0952-05, Volume: 6, Page 952, Date: 1486-04-17

J Knollis The samyn dai the Aldirman and counsale riply avisit . has gefin and grantit the patronage of Sanct Johne the baptistis altar' til Johne of Knollis and his ayris mail he ekand the said altar' in condigne feftment of sex fyve markis he giffand state and possesssion of the samen sex v merkis to ser Alexander vocat thare luvit chaplan And the said ser Alexander tobrouke and ioyis' the new feftment togiddir with the auld . for al the daies of his life And the said John' of Knollis sal bynd the perpetuale chaplan of the samyn altar til continuale residens in the qveyr in his feftment tobe maid tharuppon. And falyeand' of the forsaid John' of Knollis and his airis maile the said patronage salcum again to the gift of the aldirman consale and communite of this burgh et cetera

ID: ARO-6-0952-10, Volume: 6, Page 952, Date: 1486-04-17

burgenses extra Item the said dai the outeburgiez' and in speciale thir of the quhilkis the names ar vndirwritin oft tymis callit to here thaim depriuit of thar' fredum becaus' thai com nocht toremayn within this burgh' like as it was ordanit eftir the fourm of the act / and proclamacion made tharuppon comperit nocht / that is tosay Wil richartson duelland besyde banf Androw mvrison in rettre Wil of carnequhyn John' of fochil in the parrische' of methlik Dauy rury in monymusk Androw gilquho in the parische' of fethirneir androw brekach in monymusk alexander scot in marr' Johne Watson in govil tom Watson thare Duncan of cardny in echt Wil of garriach yungar in skeyn Alexander scherar' in balvany alexander Watson in achorthy Wil andirson in Kairnfochil thom strath' in vchtirles androw colly in fivy alexander clerk in Davyot Wil gray in Methlik' and Johne portar in bothelny

ID: ARO-6-0953-02, Volume: 6, Page 953, Date: 1486-04-17

Item Wilyeam blindsel ane of the ballies chargit Johne of Kyntor tomak compt rekning and payment til Dauid marr' of ij barellis of salmound and xvj s' g' optenit apon him be the said Dauid / eftir the fourme of the ordinance of the assise maid tharuppon et cetera

ID: ARO-6-0953-03, Volume: 6, Page 953, Date: 1486-04-17

branche the said dai comperit before the aldirman ballies and consel Androw branche and askit ane balye topas and stand beside him tosee the breking of a stait of a land in the grene gevin til ser Dauid vaus / and tharuppon thai avisit continuit thare deliuerance in the said matir quhil this day xv dais And the aldirman sayd til androw branche gif he thocht it war preiudice or hurt til him sa lang delay that he mycht tak a notar' and pas to the said land and do that efferit of law anent the breking of the said state et cetera

ID: ARO-6-0953-01, Volume: 6, Page 953, Date: 1486-04-17