Showing 19451 to 19455 of 30393 results

ettale the Aldirman and counsale has gevin and grantit til ser Androw ettale chaplan the keping of the ferdyn apon his gude bering and seruice making / and that he salhaf twa merkis in the yer' tharfor tobe pait of the bred be the maistir of the kirk wark

ID: ARO-6-0949-05, Volume: 6, Page 949, Date: 1486-04-05

Item thai haf ordanit that for a yer' na cordonar' salby hidis bot the horn' and luggis be elike lang And quha beis fundin doand the contrar' the hidis or the price salbe eschete to the tayntar' / and the aldirman sal accuse thaim of foristalling

ID: ARO-6-0949-01, Volume: 6, Page 949, Date: 1486-04-03

Ja Kintor The vij dai of aprile forsaid . In the court of the burgh of abirdene haldin in the tolbuthe before the aldirman and Wilyeam blindsel ane of the ballies of the samen It was decretit be the court that patrik andirson is cumin til his clame againnis James of Kintor of a goldin lew and twa xiiij penny grotis / becaus' that the said James and his wif com nocht togiddir toswere anent that lew and grotis like as it was gevin furth be ane assise and falyeit tharin / And that the said James sal content and pay the said patrik of the said lew and twa xiiij d' grotis within terme of law

ID: ARO-6-0949-06, Volume: 6, Page 949, Date: 1486-04-07

In the court haldin be William blinsel ane of the ballies of abirdene in the tolbuthe the v dai of aprile the yer' et cetera lxxxvj / the assise ordanit gif Duncan William nory wil cum here and sweyr that the malt bocht fra him be Sande cowparis wif and vthiris for plackis / that the condicion was made for plackis it sal stand as payment And gif he wil swere that he was nocht content of plackis / scho sal mak him payment of samekil as scho had of the laid of malt And this is ordanit tobe done quhat tym the man cumis to this toune

ID: ARO-6-0949-03, Volume: 6, Page 949, Date: 1486-04-05

J more In the court haldin be the ballies of abirdene in the tolbuthe the x dai of aprile forsaid thomas prat as procuratour and factour in that part til thomas Jaksoun citiner' of Saintandrow askit fra Johne more payment of four' barellis of salmond of the rest of xij barellis be vertu of his obligacion and of our Soueran lordis lettrez direct tharuppon in the quhilk obligacion the said Johne togiddir with William more and alexander nachty ar bundin coniuntlie and seueraly renunciand the benefice of diuision' / And the said Jhone more saide and allegit that he was desesit of the said obligacion be ane act made til the said thomas Jakson' be William more quhare throu thar was innouacion maid of the said obligacion and askit ane decision' of the court tharuppon . The quhilk John' removit and in likewis' thomas prat procuratour for thomas Jakson' / and the said Act sene and vndirstandin . The court wardit and decretit the said Johne more quyte of the said thomas Jaksonis clame of the said four' barellis of salmond / and desesit of his obligacion' be Innouacione maid as forsaid is

ID: ARO-6-0950-02, Volume: 6, Page 950, Date: 1486-04-10