Showing 18631 to 18635 of 30393 results

The xiiij dai of nouember yer' et cetera lxxxiij Dauid marr' producit ane obligacione made til him and thomas of marr' be Alexander trail before Wilyam blindsel and androw culan twa of the balyeis of the burgh of abirdene sittand in Jugement in the tolbuthe of the samen quhilk obligacion he askit tobe copyit in this common buke becaus' the said obligacione concernit to twa personis forsaidis / of the quhilk obligacion the tenour folowis in this fourme copia obligacionis Be it made kend til al men be thir present lettres me Alexander trail burges of abirdene tobe bundin and straitlest oblist be the faith of my bodi to my weilbeluffit emys thom of marr' and Dauy marr' burges of the said burgh / quhare thai ar bundin for me to Cornelis bokkel portar of brugis in the some' of twelf li' g' of the money of flandris for the redempcion frethin and reding of me owte of the stane in brugis / ffor the quhilk I oblis me to my forsaid emis thomas and Dauy and al my landis and gudis in stratast stile and fourm of obligacione / and atour' I assign and owyrgiffis puttis in thar' handis my tackis and assedacionis of my wattiris and of my croftis that I haf of Wil cryne And mare I assign and owyrgiffis the land that lyis in the schipraw at meg the vaus duellis in / and xx s' of annuel of Johne Walkaris land lyand in the ovirkirkgate / and al my hail tempil land liand in the nethirkirkgate and giffis ful power to ane balye of abirdene togif thaim stait and possession' like as war in propir person And haldand and fortohald al at is done in this matir quhil my forsaid emys be fred and red of the said some And this I oblis be the gret aith sworn tokepe this said condicionis In witnes heirof I haf writin this with myn awn' hand in the towne of brugis the xxij of nouember the yer' of god M iiijC lxxxij yeris / Be me Alexander trail manu propria et cetera The quhilk copy the ballies decernit before thir witnez Walter achneve Wilyam moyses Johne chepman androw nachty ser Robert leis notar' and othir sindry

ID: ARO-6-0818-01, Volume: 6, Page 818, Date: 1483-11-14

Janet Wormot The xvij dai of nouember yer' forsaid It is deliuerit and ordanit be ane assise with consent of Jonet Wormot and thom prat / anent the debate of a termis mail of the thrid part of the pot wattir quhilk the said thomas has in assedacion of the said Janet that the said Janet sal pay to the toune the last mertymes terme of his tak of the said wattir becaus' the said thomas pait a termis mail to the toune of his entre with the said fisching and sal fre him tharof

ID: ARO-6-0818-02, Volume: 6, Page 818, Date: 1483-11-17

Item it is appoyntit and accordit betuix thom hatmakar and Robert crag anent four' Danskin merkis quhilkis the said robert com souerty for / for Wilyam richartson / that the said robert sal entir the said Wilyam in the court of this burgh on the law day eftir yule next tocum / to the challance of the said thomas / or ellis the said robert topay the said some' the samyn day as the said Wilyam suld make payment tharof / but ony langar proces

ID: ARO-6-0818-04, Volume: 6, Page 818, Date: 1483-11-17

procuratorium Item because the aldirman consale and communite of this burgh has gevin and assignit til James cvmyn burges of the samyn the malis of the thrid part of a net of the pot wattir for his termes of the assedacion made tharupon for certane costis and seruice made be him concerning the toune / thai haf constitute and ordanit the said James thare lachful procuratour topersew and folow as law wil Dauid Kintor for a termis mail / of the said fisching / and ony vthiris that has fischit or sal fisch the said wattir for his termes haldand and fortohald ferm and stabil quhatsumevir thing the said James cumyn lachfully ledis tobe done in the said office of procuratory / giffand and committand til him thare ful power of the samyn in al thingis tharto neidful or requirit / witnez alexander menyes James lesly alexander rede gilbert the vaus and vthiris sindry

ID: ARO-6-0821-03, Volume: 6, Page 821, Date: 1483-11-17

hasPages 819 and 820 are missing. This entry starts partway through. consentit and ordanit that Alexander menyes sal pay and content of his wattir mail of this instant yer' til Wilyam lutar sex merkis / quhilk some' is assignit til the said Wilyam be ane nobil lord Dauid erle of crafurd of the said lordis pencion of the toune / the said alexander takand William lutaris sufficient quittance tobe deliuerit to the aldirman and ballies for his allowance and making of thare compt

ID: ARO-6-0821-01, Volume: 6, Page 821, Date: 1483-11-17