D smyth The xiij dai of marche the yer' of god et cetera lxxxj In the court of the burgh of abirdene haldin be the balliez in the tolbuthe comperit Thomas symson' burges of the said burgh / and has set and assignit til Duncan smyth his thrid part of a nettis fisching of the wattir' of Done the quhilk he has in assedacion of the communite of this burgh for al the termes of the last assedacion of this toune made tharupon that is tosay for ix yeris tocum / the said Duncan payand the wattir mail tharof yerlie for the said termes to the aldirman and balyeis like as the said thomas suld pay / witnez heirof James lesly aldirman Alexander rede balye alexander menyes Dauid symson androw branche John' malisson' William moyses Adam of craufurd and vthiris sindry
The samen dai the balye alexander rede has assignit til William moyses tomak gude with sufficient witnes betuix this and the law dai eftir paisch that he has pait the viij s' clamyt be John' malissone til thaim that thai suld haf bene payt to / and falyeand tharof tobe dettour of the said some' tobe pait John' malissone et cetera
sanchar In the court of the burgh of abirdene haldin be the balliez in the tolbuthe of the sammyn the xj dai of marche yer' of god et cetera lxxxj Alexander sanchar' grantit him awand til a honorable knycht Sir William of Knollis commandour of Torfichin thre libr' g' and x s' g' tobe pait til him or his factour' in the erast schippis that passis of abirdene in flandris
the samen dai William blindsel yongar oblisit him be his landis and gudis til freith Alexander sanchar' and tokepe him scaithles of the payment of the said some' of iij li' g' and x s' g'
Item the samyn dai the action and caus' movit be John' of lambynton againis Dauid hil of the borch strekit be the said Johne apon the forsaid Dauid wpon the wrangwis' halding of xxiij li' be virtu of ane obligacion' of the said Dauyis made to the said Johne as clarely apperis in it self was put til ane assise The quhilk riply avisit deliuerit / that certane arbitrouris of before had made ane new poyntment betuix the saidis parties anent the payment of the said some' / and tharupon the said Dauid present ane new obligacion to the said assise / the quhilk obligacion last made the assise ordanit the said John' of lammynton til tak as for payment of the said some' and that obligacion tobe copyit in this buke on the said Johnis expens' the quhilk obligacion the said Johne refusit And the assise ordanit the said Johne til deliuer the first obligacion to the said Dauid and hald the last and was adiugit in amerciament for the wrangwis' streking of the borch apon the said Dauid