Showing 15646 to 15650 of 30393 results

The same day the assise has decretit and deliuerit that William quelp and Johne of spens litstar ilkane of thaim sal content and pay til James cummyn as procuratoure til Alexander peirpoynt inglisman ane hamburgh barel of salmond aucht be thaim and ilkane of thaim be thare awne gravnt made in Jugement of before for certane money lent til thame be the said Alexander And for the payment of the tane hamburgh barel of salmond aucht be William quelp the said William has assignit to the said James xx s' in part of payment tobe deliuerit til him of the rediast siluer aucht to the said William of the contentacione promittit til him be certane personis of this burgh in the name of the hail toune

ID: ARO-6-0376-01, Volume: 6, Page 376, Date: 1475-08-04

Copia littere Regis James be the grace of god king of scottis Til all and sindrie our liegis and subditis quham it efferis quhais knaulege thir our lettres sal cum greting ffor samekil as it is lamentabilly menit til ws be our louit Johne of spens litstar the son and air of vmquhile Adam of spens burges of our burgh of aberdene that throu auentur' of his craft and vthirwais he is sa tinsalit in gudis that he is nocht of pover to pay certane dettis and sowmes of money awing be him to certane personis within oure Realme And in hope that he deligently labour' and travale to Recouir again in gudis to outred and pay the saidis dettis and sowmes of money / we haue of our speciale grace and fauoris tharfor Respect and be thir our lettres specialy respectis the saide Johne his landis and gudis quhatsumeuir tobe vncompellit vndistrenyeit vnarrestit vnvext and vndistrublit be ony Juge spirituale or temporal for the said dettis or sowmes of money forsaidis for the space of a yer' nixt and immediate folowing the date of thir our lettres Quharfor we charge straitly and commandis all and sindri our liegis and subditis forsadis baith spirituale and temporal that nane of you tak vppon hand to cal arrest distrenye vex inquiet or distruble the said Johne in his person landis or gudis for the said dettis or sovmes of money awing be him to quhatsumeuir persons induring the time and space of a yer' aboue expremit vndir all the hiest pain charge and offens ye may commit and Inrin againis ws in that part Gevin vndir our priue seil at Edinburgh the xj day of maij And of our Regnue the xv yer' James R Scheues

ID: ARO-6-0376-02, Volume: 6, Page 376, Date: 1475-05-10

termis bigane as in the Act tharapon mare fullely is contenit / sould nocht turne til the said alexander til na preiudice in tyme tocum as he that allegis tobe tutour til the said William nor yet to the said barnys rycht ony maner of way

ID: ARO-6-0375-06, Volume: 6, Page 376, Date: 1475-08-04

quelp In the bailye court haldin in the tolbuthe the vij day of August the yer' et cetera lxxv Johne the vaus ane of the bailyes gert Duncan of straloch ane of the seriandis lay wande on William quelp . quhilk chargit him on our soueran lordis behalf lachfully that he sould nocht pass' furth of the tolbuthe vnto the tyme that he devodit and red a chavmer til Dauid mathoson as tutour til Willy mathison and pait him of xl s' of mail aucht for the said chavmer of termis bigane eftir the tenour of the act tharupon the quhilk he chargit him todo rychtsa on the behalf of the aldirman and balyeis

ID: ARO-6-0377-01, Volume: 6, Page 377, Date: 1475-08-07

The same day before the aldirman and bailyes in Jugement Dauid galichtly is becumin dettour oblisand him be his land and gudis til Alexander nachty that he sal content and pay him thre pundis of vsual money of scotland at the feist of sanct martyne in wynter next tocum but ony langar delay

ID: ARO-6-0377-02, Volume: 6, Page 377, Date: 1475-08-07