The xiij day of maij yer' et cetera lxxv Thom Wat of bervy has takin before the baillies sittand in Jugement and allegit that the decrete and sentence deliuerit be certane persons of the quhilkis the names folowis belangand a clame of viijxx of keling and twa and of xx s' and iiij d' of siluer clamit be henry hartwik and deliuerit be the said arbitrouris tobe pait to the said henry eftir as thare deliuerence vndir a procurit seil beris in it self / thir ar the names of the arbitrouris Johne of straton Johne patrikson William of leis Johne of leis and Donald belman / the quhilk sentence the said thom Wat is oblist topreve this day xv dais gif it be lachfull and failyeand tharof the next lachfull day thareftir folowand that that decrete is fals and vntrew and nocht deliuerit be thaim / failyeand that he previs nocht that day he is dettour of the sowme
The xxij day of may Richart son til quhilum John' litstar and bruthir german til quhilum cristy litstar in plane Courte made protestacioun' that all thyng at gilbert moryson intromettis with on the behalff of his bruthir tvrne' nocht til hym to na preiudice in tym tocum
Item the forsaid thom Wat has fundin borowis for him thom prat and Johne chapman that he sal compere the forsaid day as aboue writin and todo that day to the forsaid henrik and his procuratouris that law wil baith of his costis and expensis as of the principale sowme
The sammyn day gilbert moryson is oblist be his hande and his gudis that he sal halde Alexander tailyour duelland in futy scathles anent the annuel that he takis fra hym of the land at he duellis in in futy
procuratorium Item the said day henrik hartwik has made constitute and ordanit procuratouris for him Richard of Kintor and alexander blindsel tofolou the forsaid cause and todefend for him as he war present in propir persone