Curia balliuorum burgi de Aberdene tenta in pretorio per eosdem xxijo die nouembris anno Domini et cetera lxxiijo
quo die philippus de Dunbrek vnus sergeandorum dicti burgi accusatus de iniusta perturbacione Walteri yung Johannis andree et Roberti brecach commorancium in Inueroury sub noctis silencio negabat dictam calumpniam et submisit se determinacioni assise per quam diligenter et mature auisatam quitus factus fuit ab omni perturbacione eorundem
nota Eodem die dictus Walterus yung accusatus et conuictus per Assisam iuratam pro iniusta perturbacione philippi Dunbrek seriandi suum officium excercen' adiudicatur in amerciamento curie et emendabit prout Jura volunt
Item eodem die Dauid mathoson calumpniavit Robertum quhitson per plegium extensum in manibus Duncani stralogh vnius sergeandorum pro iniusta detencione xxti s' ab eodem et duarum barellarum salmonum / qui quidem Robertus pecijt diem legalem ad respondendum et cetera quj sibi conceditur per balliuos hodie ad quindenam
Eodem die alexander rede prosecutus fuit thomam marr' per plegium extensum in manibus philippi Dunbrek vnius sergeandorum pro iniusta detencione quarundem cartarum et euidenciarum vnius terre vendite per ipsum thomam dicto alexandro et ab eodem minus iuste detento Eciam idem alexander calumpniavit prefatum thomam pro iniusta detencione nouem librarum grossorum ab eodem per plegium similiter extensum in manibus dicti seriandi et cetera vnde thomas marr' predictus pecijt diem legalem a ballivis ad respondendum dictis plegiis qui sibi conceditur per curiam ad proximum diem legalem