Donaldi faber Item die secunda aprilis infrascripti post merediem in curia ballivorum affirmata quod Johannes Donaldi rure manens convictus est per assisam de perturbacione iniusta Johannis fabri hanc villam commorantis pro qua adiudicatur in amerciamento curie Et eodem modo dictus Johannes faber in amerciamento pro perturbacione prefati Johannis Donaldi et emendabit alter alteri et cetera
campsy Thomas campsy auri faber adiudicatur in amerciamento nomine et ex parte vxoris pro iniusta detencione duarum camisiarum et vnius libre lini thome blinzel et restaurabit huiusmodi bona prefato thome et cetera
Die lune quinto die aprilis anno et cetera lxxiijo gilbertus de camera adiudicatur in amerciamento curie per confessionem propriam pro iniusta fractione communis ordinacionis iactando siue fodendo falas super ripam
mathoson Eodem die actio pendens inter Dauid mathoson ex vna penes prosecucionem et deliberacionem Willelmi filii quondam Johannis mathoson et Ricardum cullan ad tutoriam dicti pueri allegantem veluti patet ex actionibus precedentibus que quidem causa continuata fuit ad presentem diem Et similiter de nouo continuatur et respectuatur ad curiam huius ville capitalem prescriptam propter personalem presenciam et colloquium cum domino Johanne de Janna super disposicionem et deliberacionem materie antedicte
liddale Johannes liddale commorans in fotino in amerciamento per confessionem propriam pro iniusta percussione Agnes' filie Johannis Et eodem modo dicta Agnes in amerciamento pro perturbacione eiusdem Johannis in verbo