Johannes de Wellis The forsaid day the forsaid Johne of Wellis made and ordande Robert Wormot and Johne Wormot his son coniunctlie and seueraly his verra procuratouris actouris factouris and speciale deputis for him to defende baith his landis and annualis / and all vthiris actiones pertenand til him quhatsumeuir thai be within the burgh of Aberdene he haldand and fortohaulde ferme and stable et cetera
cristinus litstar' Item the same day / Cristy / litstar protestit solempnitly in playn court before the aldirman and bailyes that quhatsumeuir thing the forsaidis Anny philp and Johne of Wellis hir son had done anent the lande to the quhilk the said cristy clamyt annualis sulde turne him til na preiudice in tyme tocum anent his Richtis to the said lande and annuale Rentis
mariota philp The secund day of Septembre the yer' et cetera lxxij Anny philp In the tolbuthe the Aldirman and bailyes sittand in Jugement askit the Aldirman and the bailyes that thai waulde gif hir licence and fredome togif til Johne of Wellis hir son state and possessioune of certane landis belanging til hir / and of certane annualis within the burgh of Aberdene and in the greyn liand scho Reservande the franktenement til hir awne propir vse for hir tyme and the said Johne hir son to Remayn in the fee / To the quhilk peticione at hir desyre the Aldirman and bailyes consentit before the hail court
Craufurde On friday the ferde day of Septembre the yer' et cetera lxxij Adam of craufurde burges of Aberdene Comperit In the tolbuthe of Aberdene before Johne of Kyntor and gilbert the vaus / twa of the baillies of the burgh of Aberdene thai sittand in Jugement / and present and schew ane obligacione be the quhilk he was bundin til Johne of hyis portar of Rissillis In the Sowme of sex pund gret xvii s' g' et vj gretis for wad that he had bocht fra the said Johne of hyis quhilk some' contenit in his oblgiacione the said Adam had pait til his procuratour Richard of Kyntor / and Ressauit his obligacione fra the said Richard before thir witnes Richard of Kyntor Aldirman of Aberdene Johne of mar Johne the vaus Alexander trail Androu murref Johne of glenmalvin Ranald tailyour' and vthiris sindry
blinsel Eodem die Willelmus blinschel filius Alexandri blinschel adiudicatur in amerciamento curie pro iniusta perturbacione mariote sponse Nicholai baxtar / et emendabit eedem secundum Juris ordinem