Showing 13546 to 13550 of 30393 results

brasiatres vxor Willelmi maliceson' vxor quondam Dauid hervy vxor Johannis stokar vxor Willelmi coupar propinatrix Jonete vocat vxor Roberti huntar' Elena de Kynnor' vxor alexandri skynar' vxor andree aldane vxor' Johannis fechat vxor Johannis nachty Cristiana laynge propinatrix Johannis de culan Mariora pery mariota boll vxor Johannis scherar' vxor magni Donaldi vxor thome gardenar' vxor andree baxtar vxor Johannis de hill

ID: ARO-6-0018-01, Volume: 6, Page 18, Date: 1471-01-01

ruthirfurde The aldirman bailyeis and the maste part of the commone consaile has grauntyt to henry Ruthirfurde for his expensis and vexacionis that he has made and sustenyt be Willam quelp and his modir' anent the half nettis fisching of the watir of Done' set til him be the saide aldirman and consaile that at the erast assedacione of the saide watir the saide henry sall hafe the saide half nettis fisching of the saide watir of Done' in tak for the male payande gressome' fre and for sic like termys of vthir' nichtburis has vthir' watiris

ID: ARO-6-0019-02, Volume: 6, Page 19, Date: 1470-06-16

The xvj day of the moneth' of Junj the yer' of god a thousande four' hundreth and sewinty yeris comperit Willam of setone' and mergaret meignes his spous' befor' the aldirman and diuers' of the consale and has made playn resignacione in the aldirmannis handis of the half nettis fisching of the watir of the Raike quhilkis thai haf in tak of the toune and has made androw alanson' thar' assignay to the saide fisching of the saide watir for the termys of thre yeris fra the fest of saynt martyn in winter next and immediate eftir' folowande the date of this wryte the saide Androw payande al malis bigane and to cum for the saide thre yeris to the bailyeis of the toune' And the aldirman has ressauyt the saide Androw as tenande and assignay to the saide watir for the termis of thre yeris befor' expremyt

ID: ARO-6-0019-01, Volume: 6, Page 19, Date: 1470-06-16

blindsele Alsua the aldirman balyeis and consale of this burgh at the instans and request of ane noble' and michty lorde Alexander Erle of huntlie and lorde badenache be his lettres made til ws of supplicacione with effect to set til his cosing Willam blindsele our' comburges a tak of the watir of the crois quhilkis was in the handis of Jonat meignes and for certan caus' moving ws the vtilite and profite of our' saide burghe al thingis considerit we micht nocht set the saide tak to the forsaide Willam of the saide crois at the instans of the forsaide lorde for his gude fauouris and gud lordschip done til ws in tymys bigan and for gud continuacione of his fauouris we hafe grauntyt to the saide Willam the tak of the saide watir of the crois at the erast assedacione of sic lik watir and or als' gude in vthir placis or bettir for sic like male and grissome' as nichtbur' and vthiris payis and for als' lang termys eftir' the tenour' of our' assedacione

ID: ARO-6-0019-03, Volume: 6, Page 19, Date: 1470-06-16

It is statut and ordanit be the consaile that the baxtaris for the breking of the pase giffin to thaim sall ramayn in the tolbuth' quhill ilkan of thaim pay viij s' vnforgiffin for thair' vnlawys and in tyme to cum that thai kepe the pase of xiij onse of bakine brede at the lest and gif ony of thaim beis conuickyt in tyme to cum for the breking of this pase he sal be put in goufe and thair craggis in the stokis and sall be bannyst fra the craft for a yer' and ilke baxtar that has ane howine sal ansuer' to the bailyeis that na brede be bakin in thair' howynnis bot that sall halde the samyn pase vndir the drawin one' of the howine /

ID: ARO-6-0020-01, Volume: 6, Page 20, Date: 1470-06-16