Assisa leuata super cognicione panis et ceruisie compertum est quod bolla frumenti valet iiij s' et vj d' et bolla frumenti v brasij valet xxxij d'

Eodem die accedens ad barram Johannes bullok asseruit quod dictum fuit sibi per fidedignos quod quoddam iudicium fuit contra eum datum . ipso non existente in regno . sed extra regnum in guerris domini nostri Regis scocie . de quadam terra Jacente in vico nauium / vnde coram ballivis et in plana curia obtulit decem solidos et octo denarios debitos Ministro domus trinitatis de eadem terra de temporibus transactis . Et si maior summa dicti fratri Ministro dicte domus vel cuicumque alteri de dicta terra debeatur illam summam eciam obtulit soluendam tunc in pretorio coram ballivis . cum tempus adhuc est sibi oportunum ad solucionem dictarum summarum vt ipse dixit / eo quod fuit extra regnum / et eadem de causa dictum iudicium annullatum

Johannes scherar deuenit plegius pro Johanne yhule et Johannes yhule deuenit plegius pro thoma halt de indempnitate Walteri taillour aliter quam exigit ordo iuris pro se et sua impetracione et Alexander balin deuenit plegius pro dicto Waltero de indempnitate dicti Johannis et thome et cetera

Robertus baxtar secundo die vocatus ad sectam thome de marr' non comparuit precipitur seriandis capere districtionem octo solidorum et dare ad plegium et citare ipsum nouiter ad proximum diem et cetera

Actio mota inter Willelmum Inuerrory et Johannem voket de vna vacca submittitur ad amicabilem composicionem / presentando defectum ballivis . Johannes voket habuit defectum